«Մանչեսթեր Սիթիի» գլխավոր մարզիչ Պեպ Գվարդիոլան կիսվել է Մադրիդի «Ատլետիկոյի» դեմ խաղերից ունեցած սպասելիքներով։
Թիմերը կխաղան Չեմպիոնների Լիգայի քառորդ եզրափակիչում։
«Նրանք դուրս եկան շատ բարդ խմբից, որտեղ ընդգրկված էին «Լիվերպուլը», «Պորտուն» և «Միլանը»:
Նրանք 180 րոպե «Մանչեսթեր Յունայթեդից» ավելի լավ խաղացին, Մադրիդում թիմը անհավանական խաղ ցուցադրեց, հատկապես առաջին խաղակեսում։
«Ատլետիկոյի» հիմնական առանձնահատկությունն այն է, որ նրանք կարողանում են դժվարեցնել մրցակցի կյանքը:
Սիմեոնոյի թիմը կարողանում է ֆենոմենալ խաղ ցուցադրել, խաղալով պաշտպանությունից»,- ասել է Պեպը:
