«Ֆիորենտինայի» պաշտպան Նիկոլա Միլենկովիչը կարող է կարիերան շարունակել Անգլիայում։ Ինչպես թվիթերյան իր էջում հայտնում է լրագրող Նիկոլո Սկիրան՝ «Մանչեսթեր Յունայթեդը» հետաքրքրված է 24-ամյա խաղացողի ծառայություններով։
Անգլիական ակումբի սկաուտը ներկա է եղել «Ֆիորենտինա» «Բոլոնյա» հանդիպմանը (1:0), որում պաշտպանը մասնակցել է ամբողջ խաղին:
Հնարավոր տեղափոխությունը գնահատվում է 15 մլն եվրո։ Transfermarkt-ի տվյալներով՝ սերբ ֆուտբոլիստի տրանսֆերային արժեքը կազմում է 23 միլիոն եվրո:
Այս մրցաշրջանում Միլենկովիչը բոլոր մրցաշարերում միասին անցկացրել է 29 հանդիպում և դարձել 3 գոլի հեղինակ։
