Մադրիդի «Ռեալի» կիսապաշտպան Էդուարդո Կամավինգան խոսել է «արքայական» ակումբ տեղափոխվելուց հետո իր հույզերի մասին։ Ֆրանսիացի ֆուտբոլիստը «սերուցքայիններին» միացել է «Ռենից»՝ 2021 թվականի օգոստոսին։
«Երբ մենք առաջին անգամ լսեցինք «Ռեալի» հետաքրքրության մասին, ես և ծնողներս ուրախությունից թռչկոտում էինք։ Մենք հասկացանք, որ ֆուտբոլում ոչինչ պարզ չէ, քանի դեռ բուն տրանսֆերը տեղի չի ունեցել։ Ուստի մենք զուսպ ուրախացանք։
Սա այն ակումբն է, որտեղ բոլորն են ցանկանում խաղալ։ Պայմանագիր կնքելուց հետո գիտես, որ այլ հարթություն ես մտնում»,- Կամավինգայի խոսքերն է մեջբերում Onefootball-ը:
