«Մանչեսթեր Յունայթեդի» նախկին պաշտպան Գարի Նևիլը կարծում է, որ ՊՍԺ-ի հարձակվող Լիոնել Մեսսին և «Մանչեսթեր Յունայթեդի» հարձակվող Կրիշտիանու Ռոնալդուն իրենց կարիերայի մայրամուտում են:
«Կասկած չկա, որ Ռոնալդուն և Մեսսին մոտենում են իրենց կարիերայի ավարտին։ Անկումը այնքան էլ ճիշտ բառ չէ, երբ խոսքը գնում է 2 հիանալի ֆուտբոլիստների մասին, բայց նրանք իսկապես մարում են:
Հիմա, վերջին տարիների ընթացքում առաջին անգամ, ոչ ոք ձեզ չի տա Մեսսիի և Ռոնալդուի անունը, եթե հարցնեք, թե նրանք ում կցանկանային տեսնել իրենց թիմում: Նրանք կգերադասեն տալ Մբապպեի, Հոլանդի, Սալահի կամ Լևանդովսկու անունները: Սա հստակ նշան է, որ թեև այս երկուսը դեռ խաղում են ամենաբարձր մակարդակով, բայց հեռանում են իրենց նախկին բարձունքներից։ Նրանք այլևս աշխարհի լավագույն խաղացողները չեն»,- Նևիլի խոսքերն է մեջբերում Sky Sports-ը։
