«Լիվերպուլի» պաշտպան Վիրջիլ վան Դեյկը մասնակցել է «Վեսթ Հեմի» հետ Անգլիայի առաջնության խաղին (1:0):
Հոլանդացի ֆուտբոլիստը շարունակում է մերսիսայդյան ակումբի կազմում տանն անպարտելի մնալ Պրեմիեր Լիգայում:
Վան Դեյկը երկարացրեց այդ շարքը՝ հասցնելով մինչև 60 հանդիպման (48 հաղթանակ, 12 ոչ-ոքի) և գերազանցեց Լի Շարպի ( «Մանչեսթեր Յունայթեդի» նախկին ֆուտբոլիստ) ռեկորդը, ով չէր պարտվել «Օլդ Թրաֆորդում» Անգլիայի առաջնության 59 անընդմեջ խաղում։
Այս ցուցանիշով երրորդը Շոն Ռայթ-Ֆիլիպսն է («Չելսի»), ով անցկացրած 42 անընդմեջ խաղում չէր պարտվել «Սթեմֆորդ Բրիջում»:
