«Լիդսի» նորանշանակ գլխավոր մարզիչ Ջեսի Մարշը կիսվել է թիմի նախկին մարզիչ Մարսելո Բյելսայի մասին իր կարծիքով, ով փետրվարի 27-ին լքել է զբաղեցրած պաշտոնը թիմի անբավարար արդյունքների պատճառով։
«Ես չեմ կարող բառերով արտահայտել իմ հիացմունքն ու հարգանքը Բյելսայի նկատմամբ։ Ես կողքից հետևում էի նրա կարիերային և տեսա, թե ինչ է նա արել «Լիդսի» համար:
Բյելսան հերոս է։ Զարմանալի է, թե ինչպես է նրան հաջողվել «Լիդսին» հասցնել Պրեմիեր Լիգայի մակարդակին»,- ամերիկացի մարզչի խոսքերն է մեջբերում ակումբի մամուլի ծառայությունը։
«Լիդսն» այժմ 23 միավոր ունի և զբաղեցնում է Անգլիայի Պրեմիեր Լիգայի մրցաշարային աղյուսակի 16-րդ հորիզոնականը:
