«Լիվերպուլի» գլխավոր մարզիչ Յուրգեն Կլոպն Անգլիայի առաջնության 19-րդ տուրի հետաձգված խաղում «Լիդսին» (6:0) հաղթելուց հետո խոսել է չեմպիոնական պայքարի մասին։
«Անկեղծ ասած, մենք չենք հետապնդում «Սիթիին»: Մենք փորձում ենք հաղթել մեր խաղերում: Իհարկե, այս հանգստյան օրերին մեզ սպասվում է գավաթի եզրափակիչ, իսկ «Սիթին» կհանդիպի «Էվերթոնի» դեմ: Կոնկրետ չգիտեմ, թե ովքեր, բայց նրանք, հավանաբար, կհաղթեն…: Եվ կրկին 6 միավորի տարբերություն կլինի Պրեմիեր Լիգայի մեր խաղից առաջ։ Այնպես որ, մենք այդ ամենը հաշվի չենք առնում: Մեզ պարզապես պետք է հաղթել»,- Կլոպին է ցիտում The Independent-ը։
«Լիվերպուլն» այժմ 60 միավորով 2-րդն է Պրեմիեր Լիգայի մրցաշարային աղյուսակում՝ 3 միավորով զիջելով «Մանչեսթեր Սիթիին»:
