«Չելսիի» գլխավոր մարզիչ Թոմաս Տուխելը գնահատել է Անգլիայի Պրեմիեր Lիգայի մրցաշարային աղյուսակում «Լիվերպուլին» հասնելու իր թիմի հնարավորությունները։
«Ցավալի է, որ մենք այլևս նրանց հետ չենք խաղալու այս առաջնությունում։ Այս պահին նրանք շատ ուժեղ են։ Ավելին, այս ձմռանը նրանք ձեռք են բերել տաղանդավոր խաղացողի, ով էլ ավելի կուժեղացնի իրենց թիմը։
Մենք չենք հանձնվի: Չեմ ասի, որ նրանց հասնելն անհնար է, բայց մենք դա կարող ենք անել միայն մեր խաղը բարելավելով, մեր խաղաոճին վերադառնալով և արդյունքների կայունություն ձեռք բերելով։
Պետք չէ նայել «Լիվերպուլի» կամ «Մանչեսթեր Սիթիի» արդյունքներին։ Մենք շատ անելիքներ ունենք։ Մենք պետք է բարելավենք մեր խաղը, և այստեղից պետք է սկսել»,- գերմանացի մասնագետի խոսքերն է մեջբերում «ազնվականների» պաշտոնական կայքը:
