«Արսենալի» գլխավոր մարզիչ Միկել Արտետան խոսել է մրցաշրջանի վերջում Պրեմիեր Լիգայի լավագույն քառյակում հայտնվելու լոնդոնյան ակումբի շանսերի մասին։
«Մենք փոքր-ինչ ավելի մոտեցանք մեր նպատակին, երբ հաղթեցինք օրերս («Բրենթֆորդին»): Հենց այսպես էլ պետք է գործենք: Արդյունքներով կարող ես տեսնել, թե որքան դժվար է հաղթել այս առաջնությունում:
Հաջորդ անգամ մենք պետք է նույնն անենք: Պետք է լավ նախապատրաստվել, քանի որ «Վուլվերհեմփթոնի» դեմ իսկապես բարդ է լինելու։
Պետք է ավելի ու ավելի լավ խաղալ, դա է նպատակը: Չի կարելի շատ առաջ նայել: Իրավիճակն արագորեն փոխվում է: Պրեմիեր Լիգայում հաղթելն իսկապես դժվար է»,- իսպանացի մասնագետի խոսքերն է փոխանցում Sky Sports-ը:
