«Բարսելոնայի» նախկին գլխավոր մարզիչ Էռնեստո Վալվերդեն կարող է գլխավորել «Ատլետիկոն», հայտնում է Mundo Deportivo-ն:
Չնայած այն հանգամանքին, որ մադրիդյան ակումբի ներկայիս գլխավոր մարզիչ Դիեգո Սիմեոնեն ունի ղեկավարության լիակատար աջակցությունը, Իսպանիայի չեմպիոնները տարբերակներ են դիտարկում այն դեպքի համար, եթե 51-ամյա մասնագետը ցանկանա հեռանալ թիմից:
«Ատլետիկոյի» ղեկավարների ֆավորիտ թեկնածուն Վալվերդեն է։ Նրան գնահատում են իր բնավորության, փորձառության, առաջատարի որակների և հաղթողի մտածելակերպի համար:
Միևնույն ժամանակ նշվում է, որ այս պահին «Ատլետիկոյի» ծրագիրը Սիմեոնեի հետ գործակցությունը շարունակելն է։ Ակումբի նպատակը հաջորդ մրցաշրջանում Չեմպիոնների Լիգայի ուղեգիր նվաճելն է և մինչմրցաշրջանի ընթացքում սխալները շտկելը:
