ՊՍԺ-ի գլխավոր մարզիչ Մաուրիսիո Պոչետինոն կիսվել է իր մտքերով Չեմպիոնների Լիգայի 1/8 եզրափակչի՝ Մադրիդի «Ռեալի» դեմ խաղից առաջ։
«Մենք պայքարելու ենք ուժերի առավելագույն չափով։ Մենք խաղալու ենք աշխարհի լավագույն ակումբներից մեկի դեմ, եթե ոչ լավագույնի։ Սակայն մենք վստահ ենք մեր ուժերի վրա և պայքարելու ենք հաղթանակի համար։
Ֆուտբոլիստները հավատում են մինչև վերջին րոպեն: Սա հիանալի թիմ է: Մենք շատ քիչ գոլ ենք բաց թողնում, քիչ ենք պարտվում, ինչը նշանակում է, որ տաղանդը միայն շանսերը կամ խփած գոլերը չեն, մենք ունենք տաղանդավոր պաշտպանվող խաղացողներ, ովքեր բալանս են հաղորդում թիմին։ Դա ամեն ինչի հիմքն է։
Շատ դրական կետեր կան, որոնք պետք է ընդգծել։ Սակայն երբեմն սպասելիքները չափազանցված են: Օրեցօր մենք ավելի լավն ենք դառնում, և դա կարևոր է նկատել»,- արգենտինացի մասնագետին է ցիտում RMC Sport-ը:
ՊՍԺ – «Ռեալ» առաջին հանդիպումը կկայան այսօր՝ Երևանի ժամանակով 23:55-ին:
