«Յուվենտուսի» նախկին գլխավոր մարզիչ Անդրեա Պիրլոն կարող է գլխավորել «Սալերնիտանան», հայտնում է Milan News-ը:
«Սալերնիտանան» Ա Սերիայի մրցաշարային աղյուսակի վերջին (20-րդ) տեղում է (13 միավոր 23 խաղում): Ակումբի ղեկավարությունը դժգոհ է ներկայիս գլխավոր մարզիչ Ստեֆանո Կոլանտուոնոյի աշխատանքից և մտադիր է հեռացնել նրան։
Որպես Կոլանտուոնոյին փոխարինող «Սալերնիտանայում» ցանկանում են տեսնել 42-ամյա մասնագետին։ Նշվում է, որ առաջարկներն արդեն մերժվել են Ջենարո Գատուզոյի, Դելիո Ռոսսիի և Կլաուդիո Ռանիերիի կողմից։ Պիրլոյին առաջարկվել է 4 տարվա պայմանագիր։ Իտալական ակումբի ղեկավարությունը սպասում է նրա պատասխանին:
