«Յուվենտուսի» հարձակվող Դուշան Վլահովիչն Իտալիայի գավաթի կիսաեզրափակիչ դուրս գալուց հետո խոստովանել է, որ «Ֆիորենտինայի» հետ խաղը կլինի այնպիսին, ինչպիսին բոլորը։ Հիշեցնենք, որ սերբ ռմբարկուն այս տարվա հունվարին է Ֆլորենցիան ներկայացնող ակումբից տեղափոխվել «Յուվե»:
«Հարմարվելու համար ժամանակ կպահանջվի, բայց, ինչպես ասացի, ես շատ բան եմ պարտական իմ թիմակիցներին, մարզչին և ակումբին՝ ինձ նման մեծ աջակցություն ցուցաբերելու համար: Առանց նրանց ոչինչ հնարավոր չէր լինի, ինձ համար պատիվ է խաղալ այստեղ և լինել այս ֆանտաստիկ թիմում:
Մենք լավ ենք գործակցում թե՛ խաղադաշտում, թե՛ դրա սահմաններից դուրս, քանի որ Պաուլոն և Ալվարոն լավ տղաներ են: Ես այստեղ եմ, որպեսզի սովորեմ և փորձեմ հասնել նրանց մակարդակին:
«Ֆիորենտինայի» հետ կիսաեզրափակիչ խա՞ղը: Մտածում եմ միայն հանդիպման ու հաղթանակի մասին։ Դա կլինի նույնպիսի խաղ, ինչպիսին մնացածներն են: Մենք այստեղ ենք ֆուտբոլ խաղալու համար, և դա ինձ համար խնդիր չէ»,- ասել է Վլահովիչը Sport Mediaset-ին։
