«Վուլվերհեմփթոնի» կիսապաշտպան Ռուբեն Նևեշը մեկնաբանել է Անգլիայի Պրեմիեր Լիգայի 24-րդ տուրի խաղում «Արսենալից» կրած պարտությունը։
«Մենք տեսանք, թե ինչպես էին նրանք տոնում հաղթանակը, և դա ցույց է տալիս, թե մենք ինչ մակարդակի վրա ենք։ Ես չեմ տեսել, որ «Արսենալն» այսպես տոնի հաղթանակները վերջին 10 տարում. դա նման էր առաջնությունում հաղթելուն»,- պորտուգալացու խոսքերն է մեջբերում Goal.com-ը:
Հիշեցնենք, որ «զինագործները» «գայլերի» դեմ հանդիպման 69 -րդ րոպեից խաղում էին 10 հոգով՝ հարձակվող Գաբրիել Մարտինելիի հեռացման պատճառով:
