ՊՍԺ-ի գլխավոր մարզիչ Մաուրիսիո Պոչետինոն մեկնաբանել է այն լուրերը, որ փարիզյան ակումբն իր փոխարեն կարող է նշանակել Զինեդին Զիդանին:
«Չգիտեմ, դա ես չպետք է որոշեմ: Զիդանը հիանալի մարզիչ է, դա փաստ է։ Նա նաև ֆրանսիացի է…: Դա տնօրենի կամ նախագահի որոշելու հարցն է»,- արգենտինացի մասնագետի խոսքերն է փոխանցում լրագրող Ֆաբրիցիո Ռոմանոն։
Ավելի վաղ հաղորդվում էր, որ Պոչետինոն իր մտերիմներին հայտնել է ամռանը ՊՍԺ-ից հեռանալու մասին։ The Athletic-ը պնդում էր, որ նա «Մանչեսթեր Յունայթեդի» գլխավոր մարզչի պաշտոնը զբաղեցնելու թեկնածուներից մեկն է։
