ՖԻՖԱ-ի նախկին նախագահ Զեպ Բլատերն անդրադարձել է եվրոպական թոփ-ակումբների՝ Սուպերլիգա ստեղծելու մտադրությանը։
«Սուպերլիգա՞: Եթե դա տեղի ունենա, դա կլինի ֆուտբոլի վերջը։ Փակ լիգաները դա ամերիկյան ձևաչափ է։ Իսկ այս տարբերակի համար իմ սիրելի ակումբը Մադրիդի «Ռեալն» է…:
Կարծում եմ՝ այդ ամենը սխալ է: Որովհետև ֆուտբոլը վերելքների ու վայրէջքների մասին է: Դա կարևոր է, քանի որ դուք չեք կորցնում հաղթելու հույսը: Փակ առաջնությունում ոչինչ չես կորցնում, եթե նույնիսկ ամեն ինչ պարտվես,- ասել է Բլատերը Europe 1-ին տված հարցազրույցում։
Հիշեցնենք, որ Սուպերլիգայի մեկնարկի գլխավոր նախաձեռնողներն են Մադրիդի «Ռեալը», «Յուվենտուսը» և «Բարսելոնան»:
