«Մանչեսթեր Յունայթեդի» և Պորտուգալիայի հավաքականի 36-ամյա հարձակվող Կրիշտիանու Ռոնալդուն խոսել է 2022թ Քաթարում կայանալիք Աշխարհի առաջնության փլեյ-օֆֆ-ում հավաքականի շանսերի մասին.
«Շատ տխուր կլիներ չմասնակցել Աշխարհի առաջնությանը, բայց ես դեռ հավատում եմ, որ մենք հաջողության կհասնենք: Ֆուտբոլում և կյանքում դժվար ժամանակներ լինում են, բայց երբ ընկնում ենք, պետք է բարձրանալու ցանկություն ցուցաբերենք։
Հավատում եմ, որ Պորտուգալիան կխաղա աշխարհի առաջնությունում։ Գիտենք, որ մեզ մեկ-երկու դժվարին ճակատամարտ է սպասվում»,- ասել է հարձակվողը:
Հիշեցնենք, որ անցումային խաղերի կիսաեզրափակիչում պորտուգալացիները կմրցեն Թուրքիայի ընտրանու հետ:
