«Մանչեսթեր Սիթին» ավելի ու ավելի է վստահում, որ հարձակվողական ոճի կիսապաշտպան Ռահիմ Ստերլինգը նոր պայմանագիր կկնքի մինչև ամառ, հայտնում է Daily Mail-ը:
27-ամյա ֆուտբոլիստը, մասնավորապես, բարելավել է հարաբերությունները գլխավոր մարզիչ Պեպ Գվարդիոլայի հետ։ Վերջին ամիսներին նրանց միջև լարվածությունը զգալիորեն թուլացել է։
Ստերլինգը մտադիր է սպասել, թե որքան խաղաժամանակ կստանա առաջիկա մի քանի շաբաթների ընթացքում: «Մանչեսթեր Սիթին» պատրաստ է խաղացողին մտածելու ժամանակ տալ նախքան պայմանագրային բանակցությունները պաշտոնապես վերսկսելը, սակայն ցանկանում է լուծել այս հարցը մինչև մրցաշրջանի ավարտը:
«Մանչեսթեր Սիթիի» աճող վստահությունը, որ Ստերլինգը նոր պայմանագիր կկնքի, ազդեց նախորդ ամիս Ֆերան Տորեսին «Բարսելոնային» վաճառելու նրանց որոշման վրա: Ռահիմի գործակալների հետ բանակցությունները հավանաբար կսկսվեն հաջորդ ամիս:
Հիշեցնենք, որ հոկտեմբերին Ստերլինգը հայտնել էր, որ բաց է տրանսֆերի համար, քանի որ ցանկանում է ավելի շատ խաղաժամանակ ստանալ։ Նրա պայմանագիրն ակումբի հետ նախատեսված է մինչև 2023 թվականի ամառ։
