Իտալիայի վարչապետ Մարիո Դրագին մտահոգություն է հայտնել Սերիա Ա-ում կորոնավիրուսի հետ կապված իրավիճակի կապակցությամբ։ Դրագին այս մասին ասել է FIGC-ի նախագահ Գաբրիելե Գրավինային։

Երեկ նախատեսված 10 հանդիպումներից չորսը չեն կայացել։ Ա Սերիան այսօր ժողով է հրավիրել՝ քննարկելու արձանագրությունները և առաջիկա շաբաթների ընթացքում անելիքները:

Calciomercato.com-ի փոխանցմամբ՝ Դրագին զանգահարել է Գրավինային՝ հայտնելու իր մտահոգությունը ստեղծված իրավիճակի վերաբերյալ։ Հեռախոսազրույցում բարձրացված հարցերից մեկն այն էր, որ շատ երկրպագուներ ստադիոնում դիմակներ չեն կրում, ինչը պահանջում է նոր կանոնները։ Նա նաև դժգոհ է, որ ակումբները կարծես թե աչք են փակում սրա վրա, ուստի նա հասկացնել է տվել, որ այդպես չի կարող շարունակվել։

FIGC-ն և Սերիա Ա Լիգան մտադիր չեն դադարեցնել մրցաշրջանը, և նրանք նույնպես չեն ցանկանում վերադառնալ հանդիպումներին առանց հանդիսականների, չնայած դա դեռ կարող է տեղի ունենալ, եթե իրավիճակը շարունակի վատթարանալ: Այսօր կեսօրին դաշնային ժողովի արդյունքները դեռ չեն հրապարակվել։