«Մանչեսթեր Յունայթեդի» կիսապաշտպան Ֆրեդը մեկնաբանել է թիմի շուրջ տարածված վերջին լուրերը։
Ավելի վաղ անգլիական ԶԼՄ-ներում տեղեկություն էր տարածվել, որ «Մանչեսթեր Յունայթեդի» ֆուտբոլիստները դժգոհ են եղել գլխավոր մարզչի պաշտոնում Ռալֆ Ռանգնիկի նշանակումից և կասկածում են նրա մարզչական մեթոդներին։ Որոշ ֆուտբոլիստներ հակված են ակումբից հեռանալուն.
«Վերջին մի քանի օրվա ընթացքում ես կարդացել եմ որոշ կեղծ լուրեր իմ և «Մանչեսթեր Յունայթեդի» այլ խաղացողների մասին:
Ես սովորաբար հրապարակայնորեն չեմ արձագանքում հակասական հաղորդագրություններին, բայց ժամանակն է դա անել:
Ուղղակի ուզում եմ ասել, որ ակումբում ամեն ինչից գոհ եմ, երբեք չեմ արտահայտել իմ դժգոհությունը կամ հեռանալու ցանկությունը։
Մի խաբվեք կեղծ լուրերով. Մենք կշարունակենք աշխատել մեծ ցանկությամբ մեր նպատակներին հասնելու համար»,- ասել է Ֆրեդը։
