«Ադելաիդա Յունայթեդի» կիսապաշտպան Ջոշ Կավալլոն, որը հոկտեմբերին խոստովանել է, որ միասեռական է, կիսվել է Քաթարում կայանալիք Աշխարհի առաջնության հետ կապված մտահոգություններով:
«Ես Քաթարում միասեռականների համար մահապատժի նման մի բան եմ կարդացել: Ես վախենում եմ սրանից, ուստի չէի ցանկանա գնալ Քաթար։ Եվ դա տխրեցնում է ինձ։
Ի վերջո, Աշխարհի առաջնությունը կանցկացվի Քաթարում։ Ձեր երկրի համար խաղալը ցանկացած պրոֆեսիոնալ ֆուտբոլիստի համար ամենամեծ ձեռքբերումներից է: Իսկ այն գիտակցումը, որ մրցաշարը կանցկացվի մի երկրում, որը չի աջակցում գեյերին և սպառնում է մեր կյանքին, սարսափելի է։
Սա ինձ ստիպում է վերագնահատել արժեքները։ Ի՞նչն է ավելի կարևոր՝ իմ կյանքը, թե կարիերայի ձեռքբերումները»,- ասել է Կավալլոն։
Նշենք, որ 21-ամյա ֆուտբոլիստը մեկ հանդիպում ունի անցկացրած Ավստրալիայի Մ19 հավաքականի կազմում։ 2019 թվականի հոկտեմբերին նա 18 րոպե խաղաց Վիետնամի Մ19 տարեկանների դեմ։
Կավալոն Ավստրալիայի հավաքականում դեռևս չի խաղացել։
