Կիրակի երեկոյան Ազգերի Լիգայի եզրափակչում Իսպանիայի և Ֆրանսիայի հավաքականները դեմ առ դեմ կհանդիպեն: Խաղից առաջ մեկնաբանություն է տվել Իսպանիայի հավաքականի գլխավոր մարզիչ Լուիս Էնրիկեն:
«Նայեք Ֆրանսիայի հավաքականին: Նրանք ունեն պայթունավտանգ ֆուտբոլիստներ, որոնք խաղում են եվրոպական բարձրակարգ ակումբներում:
Ֆրանսիայի հավաքականի հարձակվողական եռյակը՝ Մբապպեն, Գրիզմանը եւ Բենզեման հիանալի են: Նրանք կարողանում են ցանկացած հանդիպում շրջել ինչպես միասին, այնպես էլ առանձին: Բայց մենք չենք պատրաստվում որևէ բան փոխել մեր վերաբերմունքի կամ մեր պատկերացումների պատճառով: Մենք պետք է պարտադրենք մեր սեփական ֆուտբոլը», – ասել է Էնրիկեն մամուլի ասուլիսի ժամանակ:
Ազգերի Լիգայի եզրափակիչը կմեկնարկի հոկտեմբերի 10-ին, Երևանի ժամանակով՝ 22:45-ին:
