«Լիդսի» կիսապաշտպան Կալվին Ֆիլիպսը բաց կթողնի Անգլիայի հավաքականի՝ Աշխարհի 2022 թվականի առաջնության  որակավորման փուլի առաջիկա հանդիպումները, հայտնում է ազգային հավաքականի պաշտոնական կայքը:

Բժշկական շտաբը որոշեց Ֆիլիպսին չներգրավել խաղերին՝ Պրեմիեր Լիգայի 7 -րդ տուրի «Ուոթֆորդի» դեմ խաղում (1: 0) ֆուտբոլիստի ստացած վնասվածքի պատճառով: Փոխարենը հավաքական է հրավիրվել «Սաութհեմփթոնի» կիսապաշտպան Ջեյմս Ուորդ-Պրաուզը:
Անգլիայի հավաքականը երկու հանդիպում կանցկացնի Աշխարհի 2022 թվականի  առաջնության ընտրական մրցաշարում Անդորրայի (հոկտեմբերի 9) և Հունգարիայի (հոկտեմբերի 12) ընտրանիների հետ: Բրիտանացիները 6 խաղից հետո 16 միավորով գլխավորում են I խումբը: