Լոնդոնի «Չելսիի» հարձակվող Ռոմելու Լուկակուն խոսել է Չեմպիոնների Լիգայի խմբային փուլի առաջին տուրում Սանկտ Պետերբուրգի «Զենիթի» հետ հանդիպման մասին: «Թոշակառուները» նվազագույն՝ 1:0 հաշվով հաղթանակ տոնեցին: Միակ գոլը խփեց բելգիացին:
«Ուրախ եմ հաղթանակի համար, մենք ավելի լավ ֆուտբոլ ցուցադրեցինք, քան նախորդ շաբաթա վերջին: Բայց դեռ պետք է ավելացնենք: Ես և Ասպիլիկուետան լավ ենք հասկանում իրար դաշտում: Նա հիանալի փոխանցում կատարեց, իսկ ես շանսը բաց չթողեցի: Մենք հասկանում էինք, որ պայքարը հեշտ չի լինելու, բայց խաղը մեր վերահսկողության տակ էր», – հարձակվողի խոսքերն է մեջբերում BT Sport-ը:
Երկրորդ տուրում Թոմաս Տուխելի թիմը արտագնա խաղում կխաղա «Յուվենտուսի» հետ: Հանդիպումը կկայանա սեպտեմբերի 29 –ին:
