«Յանգ Բոյզի» գլխավոր մարզիչ Դավիդ Վագները մեկնաբանել է Չեմպիոնների Լիգայի խմբային փուլի 1-ին տուրում «Մանչեսթեր Յունայթեդի» նկատմամբ տնային հաղթանակը (2-1):
«Մենք արդեն հաղթել ենք Չեմպիոնների Լիգայի որակավորման փուլի մի քանի հանդիպումներում, բայց Չեմպիոնների Լիգայում «Մանչեսթեր Յունայթեդին» հաղթելը եզակի իրադարձություն է: Ես պարզապես շատ ուրախ եմ բոլոր նրանց համար, ովքեր ականատես են եղել դրան: Մարզադաշտում գտնվող յուրաքանչյուր մարդ իր դերն ունեցավ դրանում:
Այսօր տղաները դուրս են եկել իրենց հնարավորություններից: Դա կարելի է անել միայն տրիբունաների գերազանց աջակցությամբ: Մենք ցանկանում էինք ցուցադրել մեր ուժը, կիրքն ու ագրեսիվ խաղը: Տղաները փայլուն կատարեցին իրենց աշխատանքը և շատ գովասանքի են արժանի», – Վագների խոսքերն է մեջբերում ՈւԵՖԱ –ի մամուլի ծառայությունը:
