Մայամիում երկրպագուները ԱՄՆ դրոշի օգնությամբ փրկել են կատվին, որն ընկել է մարզադաշտի վերին տրիբունայից:
Միջադեպը տեղի է ունեցել Ապալաչիայի համալսարանի և Մայամիի համալսարանի ամերիկյան ֆուտբոլի թիմերի հանդիպման ժամանակ: Կատուն հայտնվել է «Հարդ Ռոք» մարզադաշտի վերին տրիբունայում, որտեղից ցած է ընկել, բայց կարողացել է ճանկերով բռնվել մետաղալարից:
Հանդիպմանը ներկա երկրպագուները կարողացել են ձգել Ամերիկայի ազգային դրոշը՝ կենդանուն բռնելու համար: Արդյունքում կատուն վայրէջք է կատարել անմիջապես դրոշի վրա և ողջ մնաց:
