Adidas-ը և Ռուսաստանի ֆուտբոլի միությունը համաձայնագիր են ստորագրել՝ իրենց տեխնիկական հովանավորությունը մինչև 2026 թվականը երկարաձգելու մասին: Adidas-ը կշարունակի մնալ Ռուսաստանի ֆուտբոլի, ֆուտզալի, լողափնյա ֆուտբոլի թիմերի տեխնիկական հովանավորը: Այս մասին հայտնում է ՌՖՄ մամուլի ծառայությունը:
Բացի այդ, համագործակցության շրջանակներում Adidas-ը և ՌՖՄ–ն կշարունակեն միավորել իրենց ջանքերը՝ զարգացնելու և հանրահռչակելու Ռուսաստանի ֆուտբոլի բոլոր ոլորտները՝ ստեղծելով ֆուտբոլի հասանելիության նոր հնարավորություններ և պրոֆեսիոնալ ֆուտբոլիստներ պատրաստել Ռուսաստանի ակումբների և ազգային հավաքականների համար: Համաձայնագրով նախատեսում է լրացուցիչ միջոցների հատկացում համատեղ սոցիալական նախագծերի իրականացման համար, ինչը թույլ կտա ավելի շատ մարդկանց իրենց ուժերը փորձել ֆուտբոլում:
Հիմնական ռազմավարական ուղղությունները կլինեն երիտասարդական ֆուտբոլի զարգացումը`որպես Adidas-ի երկարաժամկետ մասնակցության ՌՖՄ նախագծերին, մասնավորապես՝ «Մեր սմենան» և «Ֆուտբոլը դպրոցում»: Ինչպես նաև կանանց ֆուտբոլը, այդ թվում՝ We are in the Game ծրագրի զարգացման միջոցով, որի նպատակն է ներգրավել աղջիկներին ֆուտբոլում:
«ՌՖՄ–ի և Adidas-ի միջև համագործակցությունը սկսվել է 13 տարի առաջ: Եվ մենք ուրախ ենք, որ համաձայնության ենք եկել դրա շարունակման վերաբերյալ: Adidas-ը ոչ միայն զինում է մեր թիմերին. Մենք միասին իրականացնում ենք մի շարք սպորտային և սոցիալական նախագծեր, որոնք ուղղված են Ռուսաստանում ֆուտբոլի բոլոր տեսակների զարգացմանը, ինչպես նաև երկրում թիվ մեկ սպորտի ժողովրդականության հետագա բարձրացմանը: Մեր համաձայնությունը ենթադրում է այդ նախագծերի շարունակություն և նոր նախաձեռնությունների իրականացում», – ասել է ՌՖՄ նախագահ Ալեքսանդր Դյուկովը:
«Մենք ուրախ ենք շարունակել մեր համագործակցությունը ՌՖՄ–ի հետ՝ մնալով վստահելի սպորտային գործընկեր 13 տարի: Մենք հավատում ենք, որ սպորտը կարող է փոխել մարդկանց կյանքը դեպի լավը և ՌՖՄ–ի հետ միասին մենք կամրապնդենք մեր բրենդի դիրքերը ֆուտբոլի կատեգորիայում, ինչպես նաև կնպաստենք Ռուսաստանում ֆուտբոլի տարբեր ոլորտների հետագա հանրահռչակմանն ու զարգացմանը: Ռուսաստանի բոլոր ազգային հավաքականների համազգեստը կմշակվի ըստ անհատական դիզայնի՝ հաշվի առնելով ազգային և մշակութային առանձնահատկությունները, օգտագործելով նորարարական տեխնոլոգիաներ և օգտագործված վերամշակված նյութեր, ինչպես նաև ապրանքանիշի հետ համագործակցող այլ առաջատար համաշխարհային ֆեդերացիաների և ակումբների համար: Adidas-ի ԱՊՀ երկրների տնօրեն Ռուպերտ Քեմփբելը մեկնաբանել է համաձայնագրի ստորագրումը:
