Հայաստանի չեմպիոն «Նոան», եթե Չեմպիոնների լիգայի որակավորման երկրորդ փուլում չհաղթի հունգարական «Ֆերենցվարոշին», եվրագավաթային մրցաշրջանը կշարունակի Եվրոպա լիգայի որակավորման երրորդ փուլում։ Այդ դեպքում «Նոայի» մրցակիցը կլինի «Լինքոլն Ռեդ Իմպս» (Ջիբրալթար) – «Ցրվենա Զվեզդա» (Սերբիա) զույգի պարտվողը։
Հիշեցնենք, որ «Լինքոլն Ռեդ Իմպս» – «Ցրվենա Զվեզդա» հանդիպումը նույնպես անցկացվում է Չեմպիոնների լիգայի որակավորման երկրորդ փուլում։
«Նոա» – «Ֆերենցվարոշ» առաջին խաղը կկայանա հուլիսի 22-ին Աբովյանի քաղաքային մարզադաշտում, իսկ պատասխան հանդիպումը՝ հուլիսի 30-ին Բուդապեշտում։
Եվրոպա լիգայի որակավորման երրորդ փուլի խաղերը նախատեսված են օգոստոսի 7-ին (առաջին հանդիպումներ) և օգոստոսի 14-ին (պատասխան խաղեր)։
