«Ռեալ Մադրիդը» պատրաստ է քննարկել բրազիլացի հարձակվող Ռոդրիգոյի վաճառքի հնարավորությունը, հաղորդում է The Athletic-ը։
24-ամյա ֆուտբոլիստը վերջերս կորցրել է իր տեղը մեկնարկային կազմում։
Խաբի Ալոնսոյի գլխավոր մարզչի պաշտոնը ստանձնելուց ի վեր, Ռոդրիգոն երեք խաղում խաղացել է ընդամենը 23 րոպե։
«Ռեալ Մադրիդը» չի դեմ լինի տրանսֆերին, եթե ստանա լավ առաջարկ։ Հավակնորդներից մեկը Լոնդոնի «Արսենալն» է, որը նախնական բանակցություններ է վարել ֆուտբոլիստի գործակալների հետ։ Ակումբը բարձր է գնահատում ֆուտբոլիստի բազմակողմանիությունը և կարծում է, որ նա կարող է ուժեղացնել հարձակման երկու թևերը։
Անցյալ մրցաշրջանում Ռոդրիգոն մասնակցել է 51 խաղի բոլոր մրցաշարերում, որոնցում խփել է 14 գոլ և կատարել 10 գոլային փոխանցում։
