«Մանչեսթեր Յունայթեդի» գլխավոր մարզիչ Ռուբեն Ամորիմը Ջեյդոն Սանչոյի ապագայի հարցում որոշիչ գործոն կլինի, եթե նա վերադառնա թիմ։ Այս մասին հայտնում է ESPN-ը։

Աղբյուրի համաձայն՝ «Չելսին» չի ցանկանում Սանչոյի հետ լիարժեք պայմանագիր կնքել և նույնիսկ պատրաստ է տուգանք վճարել մանկունիանցիներին պայմանավորվածությունը խախտելու համար։

Եթե ​​նման բան տեղի ունենա, ֆուտբոլիստի ճակատագիրը կորոշի «կարմիր սատանաների» ներկայիս մարզիչը։

Ընթացիկ մրցաշարերում Սանչոն անցկացրել է 29 հանդիպում՝ դառնալով 2 գոլի և 6 գոլային փոխանցման հեղինակ։