Մադրիդի «Ռեալը» մոտ է պաշտպան Ռաուլ Ասենսիոյի հետ պայմանագիրը երկարաձգելուն։
Ինչպես հայտնում է ինսայդեր Ֆաբրիցիո Ռոմանոն, մադրիդյան ակումբն արդեն բանակցություններ է վարել ֆուտբոլիստի հետ և պայմանավորվել երկարաձգել պայմանագիրը։
22-ամյա Ասենսիոն Մադրիդի «Ռեալի» ակադեմիայի սան է։ Ֆուտբոլիստի վստահ խաղը հետաքրքրություն է առաջացրել բազմաթիվ թոփ-ակումբների կողմից։
2024/25 մրցաշրջանում Ասենսիոն Մադրիդի «Ռեալի» կազմում անցկացրել է 29 հանդիպում և կատարել 2 գոլային փոխանցում։
