«Լիվերպուլի» հարձակվող Մոհամեդ Սալահը հնարավորություն ունի կարիերան շարունակել Սաուդյան Արաբիայի առաջնությունում։ Ինսայդեր Նիկոլո Շիրայի խոսքերով, եգիպտոսցու նկատմամբ հետաքրքրություն է ցուցաբերում «Ալ-Հիլալը»։

Ակումբը հսկայական անձնական առաջարկ է պատրաստում 32-ամյա խաղացողի համար։ Ըստ աղբյուրի՝ պայմանագիրը նախատեսված կլինի մինչև 2028 թվականը։

Հիշեցնենք, որ Մոհամեդի գործող պայմանագիրը «Լիվերպուլի» հետ ավարտվում է այս ամառ։ Այս մրցաշրջանում Սալահը «Լիվերպուլի» կազմում մասնակցել է 31 հանդիպման՝ դառնալով 22 գոլի և 17 գոլային փոխանցման հեղինակ։

Transfermarkt պորտալի փորձագետները հարձակվողի շուկայական արժեքը գնահատում են 55 միլիոն եվրո։