«Բարսելոնայի» հարձակվող Լամին Յամալը լուսանկարվել է Մադրիդի «Ռեալի» մարզաշապիկով փոքրիկ տղայի հետ, սակայն նկարվելու ժամանակ ֆուտբոլիստը ձեռքով ծածկել է «Ռեալի» տարբերանշանը։
Lamine Yamal hides the Real Madrid crest worn by a Real Madrid fan😂❤️ pic.twitter.com/BBee9x1U4k
— Lamine Yamal Xtra (@Yamal_Xtra) January 13, 2025
Հունվարի 12-ին Սաուդյան Արաբիայում կայացավ Իսպանիայի Սուպերգավաթի եզրափակիչ հանդիպումը, որում «Բարսելոնան» հանդիպեց Մադրիդի «Ռեալին»։ Խաղն ավարտվել է 5։2 հաշվով՝ հօգուտ կատալոնական ակումբի։ Այս հանդիպմանը գոլի հեղինակ դարձավ Յամալը՝ 22-րդ րոպեին խոցելով «սերուցքայինների» դարպասը։
Այս մրցաշրջանում Յամալը բոլոր մրցաշարերում մասնակցել է 23 հանդիպման, որոնցում դարձել է ութ գոլի և 12 գոլային փոխանցման հեղինակ։
