«Արսենալի» հարձակվող Գաբրիել Ժեզուսը կարող է բաց թողնել մրցաշրջանի մնացած հատվածը: Ինչպես հայտնում է The Athletic-ը, բրազիլացի ֆուտբոլիստը առաջի խաչաձև կապանների պատռվածք ունի:
Հունվարի 14-ին Ժեզուսը լրացուցիչ բուժզննում կանցնի, որից հետո պարզ կդառնա վնասվածքի լրջությունը։ Նշվում է, որ «Արսենալն» արդեն սկսել է հարձակվող փնտրել՝ նախապատվությունը տրվում է Պրեմիեր լիգայից դուրս հանդես եկողներին:
Ընթացիկ մրցաշրջանում 27-ամյա հարձակվողը բոլոր մրցաշարերում անցկացրել է 27 հանդիպում «Արսենալի» կազմում՝ դառնալով 7 գոլի և երկու գոլային փոխանցման հեղինակ:
Ժեզուսի պայմանագիրն ակումբի հետ նախատեսված է մինչև 2027 թվականի հունիսի 30-ը։
