Հարձակվող Դարվին Նունյեսը շուտով կարող է «Լիվերպուլից» տեղափոխվել «Ալ-Հիլալ»: Ինչպես հաղորդում է Transfer News Live-ը, սաուդյան ակումբը պատրաստ է Նունյեսին հսկայական գումարներ վճարել:

Ըստ աղբյուրի՝ «Ալ-Հիլալը» պատրաստ է Նունյեսի համար շաբաթական շուրջ 400 հազար ֆունտ ստերլինգ աշխատավարձ սահմանել։

Ներկայումս ուրուգվայցին «Լիվերպուլում» շաբաթական մոտ 140 հազար ֆունտ է ստանում: Սա նշանակում է, որ Դարվինի աշխատավարձը կարող է աճել գրեթե երեք անգամ։

Հարկ է նշել, որ Ալ-Հիլալը մարզում է Խորխե Ժեզուսը, ում գլխավորությամբ Նունյեսը հանդես է եկել «Բենֆիկայի» կազմում։

2024/2025 մրցաշրջանում Դարվին Նունյեսը անցկացրել է 26 հանդիպում՝ դառնալով չորս գոլի և չորս գոլային փոխանցման հեղինակ։