Հարձակողական ոճի կիսապաշտպան Ալեխանդրո Գառնաչոն կարող է «Մանչեսթեր Յունայթեդից» տեղափոխվել «Նապոլի»:
Իտալական ակումբը կարծում է, որ 20-ամյա արգենտինացին որակյալ փոխարինող կլինի Խվիչա Կվարացխելիայի համար, ով ցանկություն է հայտնել հեռանալ թիմից։
Լրագրող Ալֆրեդո Պեդուլլայի համաձայն՝ «Նապոլին» 45 միլիոն եվրո է առաջարկում Գառնաչոյի տրանսֆերի համար՝ 40+5 բոնուսային ձևաչափով։
Այնուամենայնիվ, «Մանչեսթեր Յունայթեդը» ավելին է պահանջում: Պրեմիեր լիգայի թոփ ակումբը կարծում է, որ արգենտինացու արժեքը գերազանցում է 60 միլիոն եվրոն:
2024/2025 մրցաշրջանում Ալեխանդրո Գառնաչոն անցկացրել է 30 հանդիպում՝ դառնալով ութ գոլի և հինգ գոլային փոխանցման հեղինակ։
