Մադրիդի «Ռեալը» շուտով կհասնի Լա լիգայի պատմության 5000 միավորին։ Ներկայումս «Լոս Բլանկոները» Իսպանիայի բարձրագույն դիվիզիոնում հանդես գալու ողջ ընթացքում հավաքել են 4999 միավոր, հայտնում է Marca-ն։
Սա լավագույն ցուցանիշն է։ Երկրորդ տեղում «Բարսելոնան» է՝ 4887 միավոր, երրորդը՝ Մադրիդի «Ատլետիկոն» (4018), որին հաջորդում են «Ատլետիկ Բիլբաոն» (3771), «Վալենսիան» (3.767) և «Սևիլիան» (3.265):
«Ռեալը» կարող է 5000 միավորի սահմանագիծը հաղթահարել «Վալենսիայի» հետ հաջորդ խաղում, որը կկայանա հունվարի 3-ին։ Մադրիդյան գրանդը Լա Լիգայի ընթացիկ մրցաշարային աղյուսակում զբաղեցնում է երկրորդ տեղը՝ մեկ միավորով զիջելով Մադրիդի «Ատլետիկոյին»:
