«Լիվերպուլի» հարձակվող Դարվին Նունյեսը կարող է կարիերան շարունակել Իտալիայի առաջնությունում։ «Միլանը» հետաքրքրված է ուրուգվայցու ծառայություններով:
Ըստ AC Milan TMN-ի, ռոսոներիների ներկայացուցիչներն արդեն քննարկումների մեջ են «Լիվերպուլի» հետ՝ Նունյեսի ամառային տրանսֆերի շուրջ: Ա Սերիայի ակումբը պատրաստ է վարձակալել հարձակվողին 5 միլիոն եվրոյով՝ հետագայում նրան 40 միլիոնով գնելու պարտավորությամբ։
Դարվին Նունյեսը «Բենֆիկայից» «Լիվերպուլ» է տեղափոխվել 2022 թվականի ամռանը՝ 85 միլիոն եվրոյի դիմաց։ Ընթացիկ մրցաշրջանում 25-ամյա ֆուտբոլիստը Արնե Սլոտի թիմի կազմում անցկացրած 23 խաղում դարձել է չորս գոլի և երեք գոլային փոխանցման հեղինակ:
