«Մանչեսթեր Յունայթեդը» հետաքրքրված է «Սանդերլենդի» կիսապաշտպան Ջոբ Բելինգհեմի ծառայություններով:
19-ամյա ֆուտբոլիստն իրեն դրսևորել է Չեմպիոնշիփի խաղադաշտերում, և արդեն գալիք տարում նրա համար մրցավազք կարող է լինել եվրոպական բարձրակարգ ակումբների միջև։
Ինչպես հայտնի է դարձել UtdDistrict-ից, «Մանչեսթեր Յունայթեդը» մեծ հավանականությամբ կփորձի առաջիկա ամառ տեղափոխել «Ռեալի» աստղի կրտսեր եղբորը: Ըստ տեղեկությունների՝ «Սանդերլենդը» կիսապաշտպանի համար կպահանջի մոտ 20 միլիոն ֆունտ ստերլինգ (մոտ 24 միլիոն եվրո):
Ջոբ Բելինգհեմն այս մրցաշրջանում անցկացրած 20 խաղում 4 անգամ դարպասը գրավել է և երեք անգամ գոլային փոխանցում կատարել: Անգլիացու նկատմամբ հետաքրքրություն է ցուցաբերում նաեւ Դորտմունդի «Բորուսիան»։
