Մադրիդի «Ռեալի» գլխավոր մարզիչ Կառլո Անչելոտտին հավատում է Բրահիմ Դիասին։ 25-ամյա ֆուտբոլիստը մշտական ​​տեղ չունի մադրիդցիների մեկնարկային կազմում, այդ իսկ պատճառով մամուլում շարունակ խոսվում է մարոկկացու հնարավոր հեռանալու մասին։

Ինչպես հաղորդում է Diario AS-ը, Անչելոտտին Դիասին հասկացրել է, որ ժամանակի ընթացքում նա ավելի ու ավելի նշանակալից դեր կունենա թիմում։ Իտալացի մասնագետը կարևորում է հարձակման և կիսապաշտպանության մի քանի դիրքերում խաղալու խաղացողի կարողությունը։

Ընթացիկ մրցաշրջանում Բրահիմ Դիասը մասնակցել է «Ռեալի» 18 հանդիպման՝ դառնալով 2 գոլի և երեք գոլային փոխանցման հեղինակ։