«Լիվերպուլը» դժվար թե ակտիվ լինի ձմեռային տրանսֆերային պատուհանի ժամանակ:
Մերսիսայդցիները գլխավորում են Պրեմիեր լիգայի մրցաշարային աղյուսակը՝ չորս միավորով գերազանցելով Լոնդոնի «Չելսիին» մեկ խաղ պակասով:
Արնե Սլոտի թիմում կազմի հետ կապված լուրջ խնդիրներ չկան, ուստի հունվարին «Լիվերպուլից» դժվար թե տրանսֆերային ակտիվություն սպասենք: Ինսայդեր Ֆաբրիցիո Ռոմանոյի կարծիքով՝ մերսիսայդցիների ծրագրերը կարող են փոխվել միայն այն դեպքում, եթե շուկայում հայտնվի շատ գրավիչ տարբերակ։
Վերջերս «Լիվերպուլը» հետաքրքրված է «Լիոնի» կիսապաշտպան Ռայան Շերկիով: Ռոմանոյի խոսքերով, անգլիական գրանդը մի քանի ամիս հետևում է 21-ամյա ֆրանսիացուն, բայց դժվար թե շտապեն ձեռք բերել նրան:
