Պրեմիեր Լիգայի 17-րդ տուրի արտագնա խաղում «Լիվերպուլը» 6։3 հաշվով հաղթեց «Թոթենհեմին», իսկ հյուրերի վինգեր Մոհամեդ Սալահը հանդիպման ընթացքում դարձավ երկու գոլի և երկու գոլային փոխանցման հեղինակ։
Այսպիսով, 32-ամյա Սալահը դարձել է 252 արդյունավետ գործողության հեղինակ (172 գոլ և 80 գոլային փոխանցում) և շրջանցել «Արսենալի» նախկին հարձակվող Թիերի Անրիին, ով Պրեմիեր Լիգայում դարձել է 249 արդյունավետ գործողության հեղինակ (175 գոլ և 74 գոլային փոխանցում)։
Ընթացիկ մրցաշրջանում Սալահը ակումբի կազմում անցկացրել է 24 հանդիպում բոլոր մրցաշարերում, որոնցում խփել է 18 գոլ և կատարել 15 գոլային փոխանցում:
