«Մանչեսթեր Սիթին» ճգնաժամ է ապրում: Հանգստյան օրերին Պեպ Գվարդիոլայի թիմը Պրեմիեր Լիգայի մրցաշարային աղյուսակում նահանջեց յոթերորդ տեղ:
Այս ֆոնին «Սիթիի» գլխավոր մարզիչը մարզում է նախատեսել սուրբծննդյան տոների օրերին, որը բրիտանացիները նշում են դեկտեմբերի 25-ին։
«Վերջին մի քանի սեզոններում մենք ստիպված չենք եղել մարզվել Սուրբ Ծննդին: Այս մրցաշրջանում մենք մարզում ենք անցկացնելու, քանի որ հանդիպում ունենք մոտակա ժամանակում։
Բայց նախորդ սեզոններում մենք Սուրբ Ծնունդն անցկացրինք հանգստանալով, ինչը շատ հաճելի էր»,- իսպանացի մասնագետի խոսքերն է մեջբերում Goal-ը։
Հիշեցնենք, որ հինգշաբթի օրը՝ դեկտեմբերի 26-ին, «Մանչեսթեր Սիթին» կխաղա «Էվերթոնի» հետ։
