Մադրիդի «Ռեալի» գլխավոր մարզիչ Կառլո Անչելոտտին խոսել է Լա Լիգայի 2024/25 մրցաշրջանի 18-րդ տուրի՝ «Սևիլիայի» հետ հանդիպման մասին (4։2)։ Խաղը կայացել է Մադրիդի «Սանտյագո Բեռնաբեու» մարզադաշտում։

Խաղի մասին. «Մենք լավ հանդիպում անցկացրինք բազմաթիվ հնարավորություններով։ Տարվա հիանալի ավարտ։ Սա հենց այն է, ինչ մենք ցանկանում էինք՝ լինել պայքարի մեջ և լավ հանգստանալ մինչև 2025 թվականը։ Հարձակվողները ավելի լավ են հանդես գալիս։ Այսօր նրանց պակասում էր Վինիսիուսի նման կարևոր ֆուտբոլիստը, բայց նրանք շատ լավ աշխատանք կատարեցին։

Մենք նույնպես ավելի լավ դուրս եկանք պաշտպանությունից ու ավելի շատ հնարավորություններ ունեինք։

Նավասի ծափահարությունների մասին. Նա արժանի է դրան իր կարիերայով, իր հաջողություններով և առաջին հերթին իր վերաբերմունքով։ Նա օրինակ էր ֆուտբոլի համար, բոլորը կցանկանային ունենալ նման ոգու և բնավորության ֆուտբոլիստներ։ Նավասը անձնավորում է այս ամենը»,- Անչելոտտիի խոսքերն է մեջբերում Marca-ն։

Անցկացրած 18 հանդիպումներից հետո «Ռեալը» Լա Լիգայի մրցաշարային աղյուսակի երկրորդ տեղում է՝ 40 միավորով։