Մադրիդի «Ռեալը» կարող է բաժանվել երկու պաշտպաններից: Խոսքը բրազիլացի Էդեր Միլիտաոյի եւ ավստրիացի Դավիդ Ալաբայի մասին է։
Ինչպես հաղորդում է Football Transfers-ը, վերոնշյալ ֆուտբոլիստները կարող են հեռանալ «արքայական» ակումբից վնասվածքների պատճառով։ Ակումբն արդեն ընտրել է երկու պաշտպանի, ովքեր կարող են փոխարինել Ալաբային ու Միլիտաոյին։
«Լիվերպուլի» պաշտպան Վիրջիլ վան Դեյկն ու Լևերկուզենի «Բայերի» պաշտպան Ջոնաթան Տան կարող են համալրել մադրիդյան գրանդի շարքերը։
Իսպանիայի առաջնության ընթացիկ մրցաշրջանում «Ռեալը» 17 խաղից հետո վաստակել է 37 միավոր։ Կառլո Անչելոտտիի սաները Լա լիգայի մրցաշարային աղյուսակում երրորդն են:
