«Լիոնի» կիսապաշտպան Ռայան Շերկին հայտնվել է եվրոպական ֆուտբոլի երկու գրանդների տեսադաշտում։ 21-ամյա ֆուտբոլիստը մրցաշրջանի սկզբում կապվում էր «Պարի Սեն Ժերմեն» տեղափոխվելու հետ, սակայն գործարքը չիրականացավ:
Ըստ Footmercato-ի, ՊՍԺ-ն շարունակում է հետաքրքրվել Շերկիով, սակայն ակումբը պիտի պայքարի «Լիվերպուլի» հետ: Հավանական է, որ հաջորդ ամառ այս ակումբները կպայքարեն հեռանկարային ֆրանսիացու համար:
Transfermarkt պորտալը Ռայան Շերկիի արժեքը գնահատում է 30 միլիոն եվրո։ Ընթացիկ մրցաշրջանում հարձակվողական ոճի կիսապաշտպանը «Լիոնի» կազմում բոլոր մրցաշարերում անցկացրած 18 խաղում դարձել է հինգ գոլի և 7 գոլային փոխանցման հեղինակ:
