Հայտնի է դարձել, թե ձմեռային տրանսֆերային պատուհանի ժամանակ որ դիրքերն է ցանկանում ամրապնդվել «Մանչեսթեր Սիթին»։
Լրագրող Ջեք Գոգանի խոսքով՝ «Մանչեսթեր Սիթին» ծրագրում է հունվարին երեք նոր ֆուտբոլիստների հետ պայմանագիր կնքել։ Հաղորդվում է, որ «Մանչեսթեր Սիթին» ցանկանում է ձեռք բերել եզրային պաշտպանի, կենտրոնական կիսապաշտպանի և հարձակվողի։
Հիշեցնենք, որ Պրեմիեր Լիգայի 17 տուրից հետո «Մանչեսթեր Սիթին» 27 միավորով զբաղեցնում է մրցաշարային աղյուսակի 6-րդ հորիզոնականը։ Դեկտեմբերի 26-ին Պեպ Գվարդիոլայի թիմը սեփական հարկի տակ կհանդիպի «Էվերթոնին»։
