«Չելսիի» կիսապաշտպան Միխայիլ Մուդրիկի շրջապատը կարծում է, որ դոպինգը կարող էր ներթափանցել ֆուտբոլիստի օրգանիզմ սննդի միջոցով։ Այս մասին հայտնում է TeamTalk-ը։
Հաղորդվում է, որ «Չելսին» նույնպես չի հավատում, որ 23-ամյա ֆուտբոլիստը միտումնավոր արգելված նյութ է օգտագործել։
Մուդրիկի դրական դոպինգ թեստը հայտնի դարձավ դեկտեմբերի 17-ին։ Նրա «A» դոպինգ թեստում արգելված նյութ է հայտնաբերվել։ Ակնկալվում է, որ «B» նմուշը կբացվի շուտով։ Եթե երկրորդ թեստը դրական է, ֆուտբոլիստին սպառնում է չորս տարվա որակազրկում։
Ֆուտբոլիստը «Չելսիում» հանդես է գալիս 2023 թվականի հունվարից։ Այս մրցաշրջանում կիսապաշտպանը անցկացրել է 15 հանդիպում՝ դառնալով 3 գոլի և 5 գոլային փոխանցման հեղինակ։
