Մադրիդի «Ռեալի» նախկին ֆուտբոլիստ Տոնի Կրոսը մեկնաբանել է անգլիացի կիսապաշտպան Ջուդ Բելինգհեմի խաղամակարդակը այս մրցաշրջանում։
«Ինչ ֆուտբոլիստ»,- մեկնաբանություն է թողել գերմանացին սոցիալական ցանցերում Բելինգհեմի գրառման տակ։
Հիշեցնենք, որ Ջուդը գոլի հեղինակ է դարձել երեկ կայացած «Ռայո Վալեկանոյի» հետ խաղում։ Հանդիպումն ավարտվել է ոչ-ոքի՝ 3։3 հաշվով։ Այս մրցաշրջանում Բելինգհեմը մասնակցել է Լա Լիգայի 13 հանդիպման՝ դառնալով 6 գոլի հեղինակ։
Երեկվա հանդիպումից հետո մադրիդյան գրանդը զբաղեցնում է ազգային առաջնության մրցաշարային աղյուսակի երկրորդ հորիզոնականը՝ կատալոնական «Բարսելոնային» զիջելով մեկ միավորով:
