Լոնդոնի «Արսենալը» դիտարկում է «Յուվենտուսի» հարձակվող Դուշան Վլահովիչին ձեռք բերելու հնարավորությունը։ Այս մասին հայտնում է լրագրող Էքրեմ Քոնուրը։
Ըստ աղբյուրի՝ «Արսենալը» մտադիր է ուժեղացնել կենտրոնական հարձակվողի դիրքը։ Հաղորդվում է, որ Վլահովիչի թեկնածությունն անձամբ է հետաքրքրում անգլիական ակումբի գլխավոր մարզիչ Միկել Արտետան։
Այս մրցաշրջանում Վլահովիչը բոլոր մրցաշարերում մասնակցել է 18 հանդիպման, որոնցում դարձել է 10 գոլի և երկու գոլային փոխանցման հեղինակ։ Ֆուտբոլիստի ներկայիս աշխատանքային պայմանագիրն ակումբի հետ նախատեսված է մինչև 2026 թվականի ամառ։
